Տիրոջ / Հիսուսի / Քրիստոսի օրը
126 1% 1
Նոյեմբերի 16, 2020թ. Տիգրան

Աստծու խոսքում բազմաթիվ են վախճանաբանության մասին համարները։ Ինքը Տերը շատ անգամներ խոսեց այդ մասին՝ ներկայացնելով աշխարհի վախճանը։ Իրապես վախճանաբանական նյութերում քիչ չեն խորհուրդները, և դրանցից մեկի մասին պիտի խոսենք այսօր։

 

Մի հետաքրքիր վերլուծություն ենք կատարել, որոնելով Տիրոջ օրը և Հիսուսի/Քրիստոսի օրը բառակապակցությունները, ահա թե ինչպիսի արդյունք ունենք․

Որովհետև օրը մոտեցել է, մոտեցել է Տիրոջ օրը, ամպերի օրը. դա ազգերի կործանման ժամանակը պիտի լինի։

ԵԶԵԿԻԵԼ 30:3

Ողբացե՛ք, որովհետև մոտ է Տիրոջ օրը, որն իբրև ավերում գալու է Ամենակարողից։

ԵՍԱՅԻ 13:6

Դուք ճեղքերի տեղերը չբարձրացաք և Իսրայելի տունը պարսպով չպատեցիք, որ Տիրոջ օրը պատերազմում կանգուն լինեն։

ԵԶԵԿԻԵԼ 13:5

Ափսո՜ս այդ օրվան, որովհետև մոտ է Տիրոջ օրը և Ամենակարողի կողմից որպես ավերում է գալիս։

ՀՈՎԵԼ 1:15

Բազմություններ, բազմություններ՝ Վճիռի հովտում, որովհետև մոտ է Տիրոջ օրը Վճիռի հովտում։

ՀՈՎԵԼ 3:14

որովհետև դուք ինքներդ հաստատ գիտեք, որ Տիրոջ օրը գալու է, ինչպես գողը՝ գիշերով։

Ա Թեսաղոնիկեցիներին 5:2

ահա Տիրոջ օրը մութ չէ՞ և ոչ թե լույս, ու խավար, և ոչ մի լույսի նշույլ նրանում։

ԱՄՈՎՍ 5:20

Լռի՛ր Տեր Աստծու առաջ, որովհետև մոտ է Տիրոջ օրը. Տերը զոհ է պատրաստել, սրբագործել է իր հրավիրյալներին։

ՍՈՓՈՆԻԱ 1:7

դեռ վճիռը չծնած՝ օրը մղեղի պես չանցած, Տիրոջ բորբոքված բարկությունը ձեզ վրա դեռ չեկած, Տիրոջ բարկության օրը ձեզ վրա դեռ չեկած։

ՍՈՓՈՆԻԱ 2:2

 

Սիրե՛լիներ, ի՞նչն է այս բոլոր համարները իրար միացնում։ Եթե քննենք այս բոլոր համարները, ապա կտեսնենք մի գեղեցիկ խորհուրդ, բոլոր համարներում նշված է ՏԻՐՈՋ ՕՐԸ ինչը ներկայացնում է մեծ դատաստանի օրը։

 

Հաջորդիվ պետք է քննենք մեկ այլ բառակապակցություն այն է՝ ՀԻՍՈՒՍԻ/ՔՐԻՍՏՈՍԻ ՕՐԸ։ Այո՛, այն մի ուրիշ օր է և ներկայացնում է հափշտակության, գործերի քննության օրը։

ինչպես մե՛զ փոքրիշատե հասկացել եք, որ ձեր պարծանքն ենք, ինչպես դուք էլ՝ մերը Տեր Հիսուսի օրը։

Բ Կորնթացիներին 1:14

այդպիսի մեկին մատնել սատանային, որպեսզի մարմինը կորչի, և հոգին փրկվի մեր Տեր Հիսուսի դատաստանի օրը։

Ա Կորնթացիներին 5:5

Նա հաստատուն կպահի ձեզ մինչև վերջ, որ անմեղադրելի լինեք Տեր Հիսուս Քրիստոսի օրը։

Ա Կորնթացիներին 1:8

որպեսզի դուք լավագույնը զանազանեք, որ Քրիստոսի օրը մաքուր լինեք ու անարատ,

Փիլիպպեցիներին 1:10

Եվ հաստատ համոզված եմ սրանում, որ նա, ով ձեր մեջ այս բարի գործն սկսեց, ավարտին կհասցնի մինչև Հիսուս Քրիստոսի օրը։

Փիլիպպեցիներին 1:6

որ դուք ձեր մտքից շուտ չշեղվեք ու չսարսափեք ո՛չ հոգով, ո՛չ խոսքով, ո՛չ էլ որպես մեր կողմից գրված նամակով, իբրև թե Քրիստոսի օրը եկել հասել է։

Բ Թեսաղոնիկեցիներին 2:2

Ահա ևս մեկ գեղեցիկ խորհուրդ, որ ներկայացնում է Տիրոջ գալստյան 2 փուլով լինելու հանգամանքը։

 

Սկզբնաղբյուր (անգլերեն)՝    [ ԱՅՍՏԵՂ ]