«ՀԱՅՐ ՄԵՐ»։ Ի՞ՆՉՈՒ ՏՐՎԵՑ
91 1% 1
Նոյեմբերի 11, 2020թ. Տիգրան

Մեր Տերը՝ Հիսուս Քրիստոսը, իր երկրային կյանքի ընթացքում միշտ ժամանակ էր գտնում աղոթելու։ Նման մի անգամ, իր աղոթքը ավարտելուց հետո, աշակերտները խնդրեցին՝ իրենց էլ սովորեցնել աղոթել, ապա տեսնում ենք Տեր-Հիսուսի կողմից սովորեցրած աղոթքի հիասքանչ «մոդել» ինչը ավելի ուշ անվանվեց՝ «Հայր Մեր»։

Աղոթքը գրված է Ղուկասի և Մատթեոսի ավետարաններում ուստի  նախ կարդանք այն։

1․ Եղավ, որ Հիսուսը ինչ-որ տեղ աղոթք էր անում ու երբ դադարեց, նրա աշակերտներից մեկը նրան ասաց. «Տե՛ր, մեզ աղոթե՛լ սովորեցրու, ինչպես Հովհաննեսն իր աշակերտներին սովորեցրեց»։ 2․ Եվ նրանց ասաց. «Երբ աղոթեք, ասե՛ք.

"Հա՛յր մեր,
թող սուրբ լինի քո անունը,
քո արքայությունը թող գա։
3․ Մեր հանապազօրյա հացը տո՛ւր մեզ ամեն օր։
4․ Եվ ների՛ր մեզ մեր մեղքերը,
որովհետև մենք էլ ներում ենք ամենքին,
որ մեղավոր են մեր հանդեպ,
և մի՛ տար մեզ փորձության"»։

Ղուկաս 11․ 1 - 4

9․ Արդ, դուք այսպե՛ս աղոթեք. 
"Հա՛յր մեր, որ երկնքում ես, սուրբ լինի քո անունը.
10․ քո արքայությունը գա, քո կամքը լինի ինչպես երկնքում, այնպես էլ երկրի վրա։
11․ Տո՛ւր մեզ այսօր մեր հանապազօրյա հացը։
12․ Եվ ների՛ր մեզ մեր պարտքերը, ինչպես մենք ենք ներում մեր պարտապաններին։
13․ Եվ մի՛ տար մեզ փորձության,
այլ ազատի՛ր մեզ չարից"։

Մատթեոս 6․ 9 - 13

Թեև շատերն են այս աղոթքը անում, սակայն արդարության համար նշենք, որ ճնշող մեծամասնության մոտ այն լոկ արտասանություն է։ Նման զավեշտներ շատ լսած կլինեք․ վախենալուց հետո «Հայր Մեր» արտասանել, 3 անգամ խաչակնքվել, եկեղեցի գնալ «Հայր Մեր» արտասանել ու դուրս գալ․․․ Շարունակել նման հեթանոսությունները ներկայացնելն անգամ տհաճ է։

Այո՛, տհաճ է խոսել այս հեթանոսական վարքի մասին, բայց եթե իրապես քննեք թե ի՛նչ հիանալի աղոթք է Հիսուս տվել մեզ, կզայրանաք՝ անունով քրիստոնյաների վարքի պատճառով։

Ինչևէ թողնենք այս մարդկանց վարքը և փորձենք խոսել Քրիստոսի սովորեցրած աղոթքի մասին։

 

Նախ կրկին կարդանք Ղուկաս 11․2 համարը․

2․ և նրանց ասաց. «Երբ աղոթեք, ասե՛ք. "Հա՛յր մեր, թող սուրբ լինի քո անունը, քո արքայությունը թող գա։

Ղուկաս 11․ 2

 

Հայր մեր․

Որքան հեշտ է արտասանել այս 2 բառերը, բայց դա միայն Տեր֊Հիսուսի շնորհիվ, մինչ այդ մարդիկ դողում էին Աստծուց, և Նրա անունը արտասանելը խիստ զարհուրելի էր, իսկ Հիսուս ասաց այդ Աստծուն դիմեք Հայր։

6․ Նաև ասաց. «Ես եմ քո հոր Աստվածը՝ Աբրահամի Աստվածը, Իսահակի Աստվածը և Հակոբի Աստվածը»։ Եվ Մովսեսը ծածկեց իր երեսը, որովհետև վախեցավ նայել Աստծուն։

ԵԼՔ 3․ 6

48․ Խոնարհվեցի ու երկրպագեցի Տիրոջը և օրհնեցի իմ տիրոջ՝ Աբրահամի Տեր Աստծուն, որն ինձ առաջնորդեց ուղիղ ճանապարհով, որպեսզի իմ տիրոջ եղբոր աղջկան իր որդու համար առնեմ։

ԾՆՆԴՈՑ 24․ 48

 

Թող սուրբ լինի քո անունը․

Աստված իր աղոթքի օրինակի մեջ ցույց տվեց, ինչ կառուցվածքով, ինչ հերթականությամբ պիտի կազմել աղոթքը։

 

Քո արքայությունը թող գա․

Իսկ Մատթեոսի ավետարանում նաև ավելացվում՝ քո կամքը լինի ինչպես երկնքում, այնպես էլ երկրի վրա (Մատթեոս 6.10)։

 

Սիրե՛լիներ, այս ամենը դուք աղոթելուց, արդյո՞ք գիտակցում եք, որ հիմա երկրի վրա ԱՍՏԾՈՒ ԿԱՄՔԸ ՉԷ և Տիրոջ թագավորությունը ԴԵՌ ՉԻ ԵԿԵԼ։ ԱՍՏԾՈՒ ԿԱՄՔԸ ՉԷ ԱՅՍ ԱՆԱՐԴԱՐՈՒԹՅՈՒՆՆԵՐԸ, ՈՐ ԿԱՏԱՐՎՈՒՄ ԵՆ ԵՐԿՐԻ ՎՐԱ։

Ապա ներկայացվում են խնդրվածքներ՝ հանապազօրյա հացի, պարտքերը (մեղքերը) թողնելու, փորձության չենթարկելու և չարից ազատելու համար։

 

Մեզ անհրաժեշտ է գիտակցել, որ թեև ունենք այսպիսի հիանալի աղոթք, սակայն այն պետք է չարտասանենք, այլ ներկայացված նյութերով մեր սեփական աղոթքները կազմենք, իսկ օրինակը ամենայն լրջությամբ հասկանալով աղոթենք։

 

Ի՞ՍԿ ԹԵ ՈՒՄ ԱՂՈԹՔՆԵՐՆ ԵՆ ԼՍՎՈՒՄ ԿԱՐՈՂ ԵՔ ԻՄԱՆԱԼ ՄԵՐ ՆՈՒՅՆ ՎԵՐՆԱԳՐՈՎ ՀՈԴՎԱԾԻՑ։ ՍԵՂՄԵ՛Ք [ԱՅՍՏԵՂ] ԿԱՐԴԱԼՈՒ ՀԱՄԱՐ ԱՅՆ։