Դաջվածքներ (Tattoo)

Մայիսի 31, 2017թ.

Սիրելիներս, այսօր սատանայի ազդեցությունն ու աշխարհի շունչը գնալով ավելի է զորանում, ինչպես գրված է Պողոս առաքյալի թղթում՝ «....անօրության խորհուրդը հիմիկվանէ կզօրանայ....» Բ Թես.2:7:

Այսօր շատերը հատկապես երիտասարդները, իրենց մարմնի վրա դաջվածքներ են անում, տարբեր նկարներ են նկարում խաբվելով սատանայից, իբր թե դա «առավելություն» է և ինքնահաստատվելու միջոց:

Տատու կամ պարզապես դաջվածք լատիներեն թարգմանաբար նշանակում է «ոգու պատկեր»: Մարմնի վրա դաջվածքներ անելը եկել է հին հեթանոսական սովորություններից,ծեսերից: Հեթանոսներն իրենց մարմնի վրա տարբեր պատկերներ դաջելով,փորձելով նման ձևով երկրպագել իրենց կուռքերին:

Ցավոք,այսօր դաջվածքներ անելը տարածվել է նաև Հայաստանում: Դաջվածքներ անելը ոչ միյայն խախտում է Աստծո պատվիրանը, այլ նաև վտանգավոր է առողջության համար:

Վաշինգտոնի համալսարանի գիտնականները պարզել են, որ դաջվածք ունեցողները կարող են հիվանդանալ 22 տեսակի հիվանդություներով:

Սիրելինե՛ր, հորդորում ենք Ձեզ,որ չընդունեք սատանայի այս խայծը և ձեզ վրա դաջվածքներ չպատկերեք, քանի որ խախտելով Աստծու պատվիրանները, Ձեզ կդնեք անեծքի ազդեցության տակ:

Հիշենք՝ Աստված խիստ արգելում է այս բանը, ինչի մասին նշված է Աստվածաշնչում:



ՂԵՒՏԱԿԱՆ 19. 28

28 Մահացած որեւէ մէկի յիշատակի համար ձեր մարմնի վրայ կտրուածքներ մի՛ արէք: Ձեր մարմնի վրայ դաջուածքներ մի՛ արէք:



Նյութի սկզբնաղբյուր՝ Հրահատ Ամիրբեկյան